Памёр полацкі музыкант Руслан Кунцэвіч
Ён змагаўся з цяжкімі захворваннямі
Не стала Руслана Кунцэвіча — гітарыста і аднаго з заснавальнікаў полацкага рок-гурта Freelite. Музыка таксама развіваў уласны праект Lannyway і разам з сястрой ствараў музыку ў праекце «Бясконца», піша тэлеграм-канал «Віцебск, я гуляю»
Апошнія гады Руслан змагаўся з цяжкімі захворваннямі. З-за аўтаімуннай хваробы яму давялося перанесці трансплантацыю печані, а пазней ён сутыкнуўся з анкалагічным захворваннем.
Пра сваю барацьбу музыка адкрыта расказваў у сацыяльных сетках і нават у самыя цяжкія моманты стараўся дзяліцца з навакольнымі пазітывам — пасылаць свае «праменьчыкі святла».
На жаль, хвароба аказалася мацнейшай.
Развітанне з Русланам Кунцэвічам адбудзецца сёння з 12:00 да 14:00 у храме велікамучаніка Панцеляймона ў Полацку.