У Харватыі перакуліўся пасажырскі аўтобус. Беларуска атрымала траўмы, дзве пасажыркі загінулі
Кіроўца, грамадзянін Сербіі, не ўтрымаў аўтобус на дарозе.
Фота: JOSIP MIKACIC/PIXSELL
Раніцай у нядзелю, 8 лістапада, каля 7:25 на аўтамагістралі A3 у Харватыі перакуліўся аўтобус з сербскімі нумарамі. Загінулі дзве пасажыркі. Сярод пацярпелых ёсць грамадзянка Беларусі. Пра гэта паведаміла Паліцэйскае ўпраўленне Заграба.
Аўтобусам кіраваў 55‑гадовы грамадзянін Сербіі. Ён не ўтрымаў аўтобус пасярэдзіне паласы і з'ехаў направа. Аўтобус праехаў праз аварыйную паласу і з'ехаў з дарогі на мяккі грунт. Там ён урэзаўся ў металічную агароджу і перакуліўся.
На месцы загінулі 53‑гадовая грамадзянка Харватыі і непаўналетняя грамадзянка Чарнагорыі.
Пяцёра пасажыраў атрымалі цяжкія траўмы, яшчэ 25 чалавек пацярпелі лёгка, сярод іх і беларуска. Усім ім аказалі медыцынскую дапамогу ў бальніцах Заграба.
Вінаватым папярэдне лічаць кіроўцу.