Сабаленка стартавала з перамогі на Выніковым турніры
Па яго выніках вырашыцца, ці застанецца беларуска другой ракеткай свету.
Арына Сабаленка, фота Robert Prange, Getty Images
Турнір для васьмі наймацнейшых тэнісістак свету меўся прайсці ў саудаўскім Эр-Рыядзе, але з-за пагроз хусітаў і складанай абстаноўкі на Блізкім Усходзе быў перанесены ў зацішны каліфарнійскі Індыян-Уэлс.
Першая ракетка свету, прадстаўніца Казахстана Алена Рыбакіна пасля лёсавання адмовілася ад удзелу, яе заменіць украінка Марта Касцюк.
Нягледзячы на няўдзел, яна захавае званне першай ракеткі ў 2026 годзе, а вось Арына, калі няўдачна выступіць, можа пазбавіцца і звання другой ракеткі.
У стартавым матчы Арына перамагла чэшку Караліну Мухаву 7:6, 7:5.
У другім матчы падгрупы расіянка Міра Андрэева перамагла ўкраінку Эліну Світоліну 6:4, 6:0. Раней Світоліна адмовілася раьіць сумеснае фота з васьмі тэнісістак разам з расіянкай Андрэевай і беларускай Сабаленкай.
Наступны матч Сабаленка згуляе заўтра з Мірай Андрэевай, а ў чацвер згуляе са Світолінай.