Беларуска, што трапіла ў ДТЗ з аўтобусам у Харватыі, атрымала лёгкія траўмы
ДТЗ адбылося ў нядзелю, у ім загінулі два чалавекі.
Фота: Josip Mikacic/PIXSELL
Грамадзянка Беларусі, якая пацярпела ў дарожна-транспартным здарэнні ў Харватыі, атрымала лёгкія траўмы, паведамляе БелТА са спасылкай на МЗС.
8 лістапада на аўтамагістралі А3 (непадалёк ад горада Іваніч-Град) адбылося ДТЗ — перакуліўся аўтобус. За рулём знаходзіўся грамадзянін Сербіі.
У выніку аварыі загінулі два чалавекі — грамадзяне Харватыі і Чарнагорыі. Акрамя таго, пацярпелі 30 чалавек.