Украінскія вайскоўцы ўпершыню ўзялі ў палон грамадзяніна Інданезіі, які ваяваў на баку Расіі
49‑гадовага ўраджэнца вострава Ява адправілі на Запарожскі кірунак для ўдзелу ў штурмах.
Пасля ўдару ўкраінскіх беспілотнікаў па падраздзяленні акупантаў ён самастойна дабраўся да тэрыторыі, кантраляванай Украінай, і здаўся ў палон, піша РБК-Украіна.
Паводле звестак праекта «Хачу жыць», за 9 месяцаў 2026 года Расія завербавала 283 грамадзян Інданезіі праз сетку гандляроў людзьмі, якія абяцалі ім працу ў сферы лагістыкі.
Улады краіны ўжо патрабуюць ад Масквы спыніць вярбоўку.