Пяскоў: Пуцін адкрыты да кантактаў з прадстаўнікамі Еўропы, у тым ліку з Мерцам
Уладзімір Пуцін адкрыты да кантактаў з прадстаўнікамі Еўропы, у тым ліку з канцлерам Германіі Фрыдрыхам Мерцам, заявіў прэс-сакратар прэзідэнта Расіі Дзмітрый Пяскоў, піша ТАСС.
Уладзімір Пуцін, фота Alexander Kazakov, Sputnik, Kremlin Pool Photo via AP
«Пакуль няма рашэння адносна ўдзелу Пуціна ў саміце «Вялікай дваццаткі» ў ЗША, але Пуцін заўсёды паўтараў і працягвае паўтараць, што ён адкрыты да кантактаў з усімі, у тым ліку і з еўрапейцамі», — сказаў Пяскоў.
На ўдакладняльнае пытанне, ці датычыцца гэта Мерца, ён адказаў: «Безумоўна».
Раней Мерц заявіў, што не стаў бы ўхіляцца ад размовы з Пуціным на палях саміту G20 у Маямі.