У Перу адкрылі самую высокую ў свеце статую Папы

У Перу адкрылі помнік Папу Льву XIV, які, па словах мясцовых уладаў, стаў самай высокай у свеце статуяй пантыфіка. Вышыня манумента складае 14 метраў, вага — чатыры тоны. Пра гэта паведамляе агенцтва Reuters.

Помнік Льву XIV

Скульптура паказвае Папу ў белым адзенні з раскінутымі рукамі. Яе вырабілі са сталі, шкловалакна і смалы, а паверхню пакрылі матэрыялам, які імітуе белы мармур. На стварэнне велізарнай фігуры спатрэбілася 45 дзён.

Леў XIV, пры нараджэнні Роберт Фрэнсіс Прэвост, нарадзіўся ў ЗША, але больш за 20 гадоў пражыў у Перу. Там ён працаваў місіянерам, пазней узначальваў дыяцэзію Чыклаё, а ў 2020—2021 гадах выконваў абавязкі апостальскага адміністратара дыяцэзіі Кальяа. За гады служэння будучы пантыфік атрымаў перуанскае грамадзянства.

Каментары да артыкула