У Крамлі пачаліся перамовы Пуціна з Уіткафам і Кушнерам
У Крамлі пачаліся перамовы прэзідэнта Расіі Уладзіміра Пуціна са спецыяльнымі пасланнікамі прэзідэнта ЗША Дональда Трампа Стывам Уіткафам і Джарэдам Кушнерам, паведамляе РБК.
Скрыншот відэа kremlin.ru
Раніцай амерыканскія дыпламаты прыляцелі ў Маскву. Памочнік кіраўніка дзяржавы Юрый Ушакоў раней заяўляў, што Пуцін абмяркуе з Уіткафам і Кушнерам пытанні, якія могуць прывесці да ўрэгулявання канфлікту ва Украіне.
Пуцін заявіў, што для Расіі існуе толькі адна лінія размежавання з Украінай — гэта дзяржаўная мяжа. Па яго словах, Расія ведае, што ўкраінцы падымаюць тэму «шэрых зон».