Пад Мінскам легкавік сутыкнуўся з лесавозам, кіроўца загінуў
Аварыя адбылася 13 лістапада каля 18:05 на 39‑м кіламетры аўтадарогі Р-28 «Мінск — Маладзечна — Нарач».
Аўтамабіль Volkswagen пад кіраваннем 56‑гадовага мужчыны рухаўся з Мінска ў бок Маладзечна, выехаў на сустрэчную паласу і сутыкнуўся з лесавозам МАЗ, якім кіраваў 41‑гадовы мужчына.
Пасля ўдару лесавоз выехаў на сустрэчную паласу і сутыкнуўся з аўтамабілем Ford пад кіраваннем 59‑гадовага кіроўцы. Затым МАЗ з'ехаў у кювет і перакуліўся.
Кіроўца Volkswagen атрымаў траўмы, несумяшчальныя з жыццём, і памёр на месцы здарэння.