БЕЛ Ł РУС

Стыхійныя горкі для цюбінгу ў Мінску будуць засыпаць пяском

16.11.2026 / 18:12

Nashaniva.com

У Мінску на зімовы сезон плануюць абсталяваць 28 афіцыйных горак для катання на цюбінгах. Стыхійныя спускі засыплюць пяском, каб прадухіліць катанне ў неадпаведных і небяспечных месцах. Звычайна такія горкі ўзнікаюць каля жылых дамоў або непадалёк ад праезнай часткі, піша агенцтва «Мінск-Навіны».

Фота: magnific.com

Акрамя таго, калі дазволіць надвор'е, у сталіцы будуць працаваць 47 лядовых каткоў, у тым ліку 16 новых, і 32 хакейныя пляцоўкі. Сярод новых месцаў для гульні ў хакей — парк імя Уга Чавеса.

Таксама ў Мінску плануюць падрыхтаваць 14 лыжных трас, а два схілы адвесці для катання на горных лыжах і сноўбордах. Інвентар для зімовага адпачынку можна будзе ўзяць напракат у 557 пунктах.

Чытайце таксама:

«Парк медыцыны» з'явіцца ў Партызанскім раёне

Дзеці былой салісткі расійскага гурта разбіліся насмерць, катаючыся на цюбінгу

Ва Уздзенскім раёне хлопчык катаўся на цюбінгу і трапіў пад машыну

Каментары да артыкула