БЕЛ Ł РУС

Інстытуты сацыялогіі і філасофіі Акадэміі навук аб'яднаюць у адзін

17.11.2026 / 18:03

Nashaniva.com

У Нацыянальнай акадэміі навук Беларусі створаць Інстытут сацыялогіі, філасофіі і паліталогіі шляхам аб’яднання двух раней самастойных навуковых інстытутаў — Інстытута сацыялогіі і Інстытута філасофіі. Пра гэта паведаміў намеснік дырэктара Інстытута філасофіі НАН па навуковай працы, кандыдат філасофскіх навук Андрэй Дудчык.

Інстытут філасофіі НАНБ. Фота: «Яндэкс. Карты»

Па словах Андрэя Дудчыка, у складзе новай установы плануецца стварыць асобны цэнтр філасофіі або філасофскіх даследаванняў, які будзе займацца адпаведнай праблематыкай. Дудчык падкрэсліў, што навуковыя даследаванні, заданні дзяржаўных праграм, запланаваныя мерапрыемствы і выдавецкія праекты Інстытута філасофіі будуць працягнутыя.

Таксама чыноўнік ад навукі заявіў, што філасофія застаецца запатрабаванай у сучасным грамадстве. Пра гэта, паводле яго, сведчаць цікавасць да філасофскай літаратуры і тое, што кампанія Anthropic, якая працуе ў сферы штучнага інтэлекту, наймае прафесійных філосафаў для працы над пытаннямі навучання нейрасетак і этычнага рэгулявання магчымых сацыяльных наступстваў.

Чытайце таксама:

Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў

Акадэмію навук чакаюць вялікія змены

Стаць акадэмікам можна будзе толькі з дазволу Рады бяспекі

Каментары да артыкула