БЕЛ Ł РУС

Памёр Уладзімір Магіла

17.11.2026 / 21:36

Nashaniva.com

Памёр кандыдат тэхнічных навук, дацэнт кафедры «Лакаматывы», былы загадчык кафедры «Электрычны рухомы састаў» Беларускага дзяржаўнага ўніверсітэта транспарту Уладзімір Магіла. Яму было 87 гадоў.

Уладзімір Магіла

Уладзімір Магіла нарадзіўся 15 лютага 1939 года. З 1972 года ягоная працоўная дзейнасць была звязаная з Беларускім дзяржаўным універсітэтам транспарту. У 1972—1986 гадах ён працаваў асістэнтам, старшым выкладчыкам і дацэнтам кафедры «Электратэхніка», у 1986—1991 гадах узначальваў гэтую кафедру. У 1979—1986 гадах быў намеснікам дэкана электратэхнічнага факультэта. З 1999 года кіраваў кафедрай «Электрычны рухомы састаў».

Пад кіраўніцтвам Уладзіміра Магілы на кафедры пачалі рыхтаваць інжынераў-электрамеханікаў па спецыялізацыі «Цягавы састаў чыгуначнага транспарту (электрычны транспарт і метрапалітэн)», а таксама інжынераў-энергетыкаў па спецыялізацыі «Электразабеспячэнне чыгунак».

Ён быў навуковым кіраўніком навукова-даследчай лабараторыі «Сістэмы электразабеспячэння транспарту». Сярод ягоных навуковых інтарэсаў былі электразабеспячэнне чыгунак, распрацоўка метадаў аптымізацыі цягавага электразабеспячэння электрычнага рухомага саставу і чыгунак, энергазберагальныя і рэсурсазберагальныя тэхналогіі на транспарце, а таксама электрабяспека.

Грамадзянская паніхіда адбудзецца 18 лістапада, у сераду, з 11:00 па адрасе: Гомель, 1‑ы завулак Крупскай, 1К, у зале развітання.

Чытайце таксама:

Памерла партызанка Клаўдзія Сяргеева. Ёй было 98 гадоў

Памёр вядомы хірург, былы галоўны анколаг Мінска

Памерла народная артыстка Беларусі Святлана Вуячыч

Каментары да артыкула