БЕЛ Ł РУС

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі

17.11.2026 / 23:02

Nashaniva.com

У Дзяржынску пенсіянерку выпісалі з бальніцы пасля аперацыі, а праз некалькі дзён у яе здарыўся інсульт. Цяпер абставіны здарэння правяраюць Міністэрства аховы здароўя і адміністрацыя бальніцы, піша dzr.by.

Здымак ілюстрацыйны. Фота: dzr.by

Пра здарэнне ў сацыяльнай сетцы Threads расказала ўнучка жанчыны. Паводле яе слоў, спачатку бабулю прааперавалі ў Мінскай абласной клінічнай бальніцы, пасля чаго яна працягнула лячэнне ў стацыянары Дзяржынскай цэнтральнай раённай бальніцы. Адтуль пацыентку выпісалі на амбулаторнае лячэнне.

Праз некалькі дзён пасля выпіскі суседка знайшла пенсіянерку дома на падлозе без прытомнасці. У жанчыны не працавалі рукі і ногі. Яе шпіталізавалі з дыягназам «інсульт». Цяпер яна знаходзіцца ў рэанімацыі Мінскай абласной клінічнай бальніцы.

Унучка сцвярджае, што пасля выпіскі бабулі не выпісалі рэцэптаў на лекі, брыгада хуткай дапамогі адмовілася шпіталізаваць яе, калі тая знаходзілася дома, а доктар не наведаў пацыентку пасля выпіскі.

У Дзяржынскай цэнтральнай раённай бальніцы журналістам паведамілі, што па ўсіх агучаных абставінах праводзіцца службовая праверка. Да яе таксама далучылася камісія галоўнага ўпраўлення аховы здароўя Мінскага аблвыканкама.

Чытайце таксама:

Доктарка з мінскай хуткай дапамогі здзекавалася з блогеркі з інваліднасцю. А тых, хто пачаў заступацца, абазвала біясмеццем

Падлеткі п'юць лекі ад раку, каб стаць вышэйшымі. Дактары б'юць трывогу

Жыхар Заслаўя некалькі дзён не выходзіў на сувязь: ён падавіўся кавалкам мяса і памёр

Памёр вядомы хірург, былы галоўны анколаг Мінска

Каментары да артыкула