БЕЛ Ł РУС

У Белавежскай пушчы знайшлі арганізм, рэдкі ва ўсім свеце

18.11.2026 / 17:03

Nashaniva.com

У Белавежскай пушчы ўпершыню для Беларусі знайшлі новы від міксаміцэтаў — Physarum atroviolaceum. Навуковы артыкул пра гэтае адкрыццё, аўтарам якога стаў супрацоўнік Інстытута эксперыментальнай батанікі Нацыянальнай акадэміі навук Беларусі Яўген Мароз, апублікавалі ў спецыялізаваным часопісе «Новости систематики низших растений».

Physarum atroviolaceum. Фота: Нацыянальны парк «Белавежская пушча»

Міксаміцэт знайшлі на гнілой драўніне дуба ў ялова-грабавай дуброве. Гэта восеньскі від, які сустракаецца з сярэдзіны жніўня да лістапада.

Physarum atroviolaceum лічыцца надзвычай рэдкім у сусветным маштабе. Раней яго знаходзілі ў Польшчы, Францыі, Японіі, на Сейшэльскіх астравах і ў Маскоўскай вобласці Расіі.

Physarum atroviolaceum. Фота: Нацыянальны парк «Белавежская пушча»

Міксаміцэты, або слізевікі, — жывыя арганізмы, якія не належаць ні да грыбоў, ні да раслін, ні да жывёл. Яны ўяўляюць значную цікавасць для навукоўцаў.

Чытайце таксама:

У Белавежскай пушчы знайшлі лімонна-жоўты грыб, які расце на мёртвых дрэвах

У Белавежскай пушчы паставілі звяроў у міліцэйскай форме

У Белавежскай пушчы пабудуюць больш прасторную рэзідэнцыю Дзеда Мароза

Каментары да артыкула