Беларускі добраахвотнік дэбютуе ў прафесійным боксе
Беларускі добраахвотнік Андрэй «Бессмяротны» Трацэўскі 5 снежня правядзе дэбютны паядынак у прафесійным боксе, піша «Трыбуна».
Яго супернікам стане Дзяніс Чачэта.
Бой пройдзе ў межах вечара бокса ад Top Boxing Generation і BFL PRO.
На рахунку Чачэты — 10 перамог, 21 параза і дзве нічыі. Дзевяць паядынкаў ён выйграў накаўтам.
Трацэўскі — адзін са стваральнікаў «Беларускага добраахвотніцкага корпуса» разам з Ігарам «Янкі» Янковым. Таксама ён вядомы як заўзятар мінскага «Дынама».