Прэм'ер Аўстраліі падчас пасяджэння з Пуціным запатрабаваў ад яго неадкладна спыніць «сваю вайну»
Ён зрабіў гэта падчас пленарнага пасяджэння саміту ў прысутнасці Дональда Трампа і Сі Дзіньпіна.
Энтані Альбанэзэ. Фота: Ng Han Guan/POOL AP via AP
Прэм'ер-міністр Аўстраліі Энтані Альбанэзэ на саміце АЦЭС у Кітаі публічна запатрабаваў ад Уладзіміра Пуціна неадкладна спыніць вайну ва Украіне. Ён зрабіў гэта падчас пленарнага пасяджэння саміту ў прысутнасці Дональда Трампа і Сі Дзіньпіна.
У сваім выступленні Альбанэзэ заявіў, што дыскусіі на саміце АЦЭС «павінны быць накіраваныя на павышэнне прадказальнасці, ліквідацыю перабояў у ланцужках паставак і падтрымку адкрытага гандлю, заснаванага на выразных правілах».
Галоўнымі прычынамі збояў у сусветным гандлі Альбанэзэ назваў канфлікты ва Украіне і на Блізкім Усходзе.
«Мы павінны зрабіць усё магчымае, каб пакласці ім канец. Канфлікт на Блізкім Усходзе спрыяе росту інфляцыі ва ўсім свеце і ўзмацняе ціск на кошт жыцця ў нашых краінах», — заявіў аўстралійскі прэм'ер.
Потым Альбанэзе спыніўся на вайне ва Украіне.
«Я хачу непасрэдна звярнуцца да прэзідэнта Пуціна: спыніце сваю вайну. Спыніце яе неадкладна», — заявіў ён.
Падчас выступлення Альбанэзэ Пуцін сядзеў, апусціўшы позірк, паведамляе выданне Brisbane Times.