БЕЛ Ł РУС

Украіна сёння збіла 79 крылатых ракет з 84, але не мае чым збіваць балістыку

20.11.2026 / 12:20

Nashaniva.com

Расія ўначы атакавала Украіну дронамі і ракетамі розных тыпаў.

Праца сіл СПА над Кіевам. Фота: Ivan Antypenko/Suspilne Ukraine/JSC «UA:PBC»/Global Images Ukraine via Getty Images

У ноч на 20 лістапада Расія атакавала Украіну балістычнымі ракетамі «Іскандэр-М»/С-400, супрацькарабельнымі ракетамі «Цыркон», 84 крылатымі ракетамі паветранага і марскога базавання Х-101, «Калібр», «Іскандэр-К» і 404 ударнымі БПЛА тыпу Shahed (123 з іх — рэактыўныя), «Гербера» і дронамі-імітатарамі. Сілы СПА абясшкодзілі 372 цэлі, паведамляе «Суспільне» са спасылкай на Паветраныя сілы УСУ.

Балістычнымі ракетамі расіяне білі з Растоўскай, Бранскай і Курскай абласцей РФ, крылатыя ракеты запускалі з Валагодскай вобласці і акваторыі Чорнага мора, а дроны — з розных напрамкаў.

Паветраны напад адбівалі авіяцыя, зенітныя ракетныя войскі, падраздзяленні РЭБ і беспілотных сістэм, мабільныя агнявыя групы Сіл абароны Украіны.

Паводле папярэдніх звестак, па стане на 10:30, супрацьпаветранай абаронай збіта/падаўлена 372 цэлі:

«Зафіксавана траплянне ракет і ўдарных БПЛА праціўніка ў 23 лакацыях, а таксама падзенне збітых цэляў (абломкаў) у 10 лакацыях. Атака працягваецца, у паветранай прасторы знаходзяцца некалькі варожых БПЛА», — паведамілі ў Паветраных сілах УСУ.

Чытайце таксама:

Расія нанесла новы масіраваны ракетны ўдар, у Кіеве пашкоджаныя тры масты

Зяленскі прапанаваў размясціць амерыканскія і еўрапейскія войскі ва Украіне пасля заканчэння вайны

Расіяне атакавалі чыгуначную станцыю ў Львове: двое загінулых, сем параненых

Падчас расійскага ўдару па Львове там была беларуская дэлегацыя

Каментары да артыкула