БЕЛ Ł РУС

Вызначыўся супернік зборнай Беларусі ў стыкавым матчы Лігі нацый

20.11.2026 / 14:14

Nashaniva.com

Гэта зборная Ізраіля.

Фота: football.by

У групавым турніры дывізіёна С футбольнай Лігі нацый зборная Беларусі заняла другое месца і атрымала магчымасць атрымаць павышэнне ў класе праз стыкавыя матчы. 

Албанія заняла ў нашай групе першае месца і атрымала прамое павышэнне ў В, а дружыны, што фінішавалі другімі ў групах, маюць шанец прабіцца праз стыкі, лёсаванне якіх прайшло сёння ў Швейцарыі.

Супернікам зборнай Беларусі стала зборная Ізраіля.

Ізраіль гуляў у адной групе з Аўстрыяй, Ізраілем і Косавам, заняў апошняе месца, згуляўшы чатыры матчы ўнічыю і двойчы прайграўшы. У зборнай 76‑е месца ў рэйтынгу ФІФА, у Беларусі — 94-ы.

Першы матч пройдзе 25—27 сакавіка на нейтральным полі, дзе зборная Беларусі выступае з 2022 года. Імаверна, што гульня пройдзе ў Венгрыі, дзе апошнім часам гуляе беларуская зборная ці клубы.

Матч у адказ запланаваны на 28—30 сакавіка. Імаверна, таксама на нейтральным полі.

6 снежня 2026 года ў Белфасце пройдзе лёсаванне адборачнага турніру да чэмпіянату Еўропы па футболе 2028 года.

Чытайце таксама:

Каментары да артыкула