БЕЛ Ł РУС

Беларусбанк папярэдзіў пра магчымыя збоі ў працы сэрвісаў

20.11.2026 / 20:36

Nashaniva.com

Беларусбанк папярэдзіў кліентаў пра магчымыя часовыя цяжкасці ў працы некаторых сэрвісаў 21 лістапада. У гэты дзень з 7:00 да 20:00 банк будзе праводзіць планавыя тэхналагічныя работы, накіраваныя на ўдасканаленне сэрвісаў і павышэнне якасці абслугоўвання.

Здымак ілюстрацыйны. Фота: Lookby.media

Збоі могуць узнікнуць падчас аперацый, якія патрабуюць ідэнтыфікацыі кліента, абмену валюты, касавых і ўкладных аперацый, а таксама працы з каштоўнасцямі і бягучымі рахункамі з выкарыстаннем банкаўскіх картак. Магчымыя цяжкасці і пры аплаце паслуг у аддзяленнях, пунктах абмену валюты і аперацыйных службах.

У банку запэўнілі, што абслугоўванне кліентаў будзе адбывацца ў звычайным рэжыме, а ўсе намаганні прыкладуць, каб тэхналагічныя работы як мага менш паўплывалі на карыстанне паслугамі.

Чытайце таксама:

Беларусы масава бяруць ільготныя крэдыты пад 4%

Банкі змякчаюць патрабаванні да геалакацыі для працы мабільных праграм

У Мінску з'явіцца яшчэ адзін спосаб аплаты праезду

Каментары да артыкула