БЕЛ Ł РУС

Кот стаў зоркай спектакля ў Маскве

21.11.2026 / 11:33

Nashaniva.com

Кісуля выйшла на сцэну ў самы кульмінацыйны момант — падчас напружанай размовы дзвюх гераінь.

Фота: @terracognitiva

У тэатры Массавета падчас спектакля «Небяспечныя сувязі» на сцэну нечакана выйшаў новы артыст — кот. Пастаноўку давялося ненадоўга перапыніць, піша Moskvichmag.ru

Акторы спачатку прадоўжылі граць як ні ў чым не бывала. Кот жа не спяшаючыся пацягнуўся, агледзеўся і, здаецца, зусім не збянтэжыўся ад таго, што апынуўся перад поўнай залай гледачоў.

Ён відавочна не збіраўся заставацца на другіх ролях, а, наадварот, упэўнена накіраваўся па сцэне ў бок гледачоў. У выніку адной з актрыс давялося ратаваць спектакль: яна падышла да хвастатага калегі, узяла яго на рукі і вынесла за кулісы. Гледачы праводзілі абодвух смехам і воплескамі.

Фота: @terracognitiva

Мяркуючы па ўсім, кот — адзін з новых жыхароў тэатра. Не так даўно, летам, у Массавеце расказалі, што ў іх пасяліліся два хвастатыя гадаванцы, якіх узялі пад апеку.

«Яны апынуліся ў складаных жыццёвых абставінах, і тэатр рады ўзяць іх пад апеку, а яшчэ атрымлівае асалоду ад іх грацыі і ўяўляе, як цяпер несалодка давядзецца тэатральным пацукам», — пісалі ў тэатры.

Такім чынам, грацыяй ката цяпер змаглі палюбавацца не толькі акцёры і кіраўніцтва тэатра, але і гледачы. Дэбют атрымаўся!

Чытайце таксама:

Каментары да артыкула