БЕЛ Ł РУС

Таццяна Кім перастала быць гендырэктаркай Wildberries

21.11.2026 / 16:27

Nashaniva.com

Нядаўна ЕС абвясціў пра ўвядзенне санкцый супраць расійскай бізнэсвумен.

Таццяна Кім. Фота з яе сацсетак

Таццяна Кім перастала быць гендырэктаркай Wildberries. Гэта вынікае з расійскага Адзінага дзяржаўнага рэестру юрасоб.

Гэтую пасаду з 19 лістапада заняў Аляксей Кулікоў.

Таццяна Кім працягне займацца стратэгічным развіццём групы RWB (Wildberries уваходзіць туды з 2024 года). Змена гендырэктара «Вайлдберыз» не ўплывае на аперацыйную дзейнасць кампаніі, заявілі ў прэс-службе RWB.

ЕС раней паведаміў аб увядзенні санкцый супраць Кім. Яе кампанія, як напісана ў дакуменце праекта, «працуе як сетка забеспячэння расійскіх вайскоўцаў, спрыяючы продажу тавараў вайсковага і падвойнага прызначэння».

Таксама ў абгрунтаванні згадваецца стратэгічнае партнёрства кампаніі з дзяржаўным расійскім банкам ВТБ, які ўжо знаходзіцца пад санкцыямі ЕС.

Чытайце таксама:

Каментары да артыкула