БЕЛ Ł РУС

Амбасада Польшчы ў Беларусі спыніць прыём заяў на Карту паляка

22.11.2026 / 10:45

Nashaniva.com

Консульскі аддзел амбасады Польшчы ў Мінску з 1 снежня 2026 года да 17 студзеня 2027 года часова спыніць прыём заяў, звязаных з Картай паляка.

Фота: Most

Паўза закране як беларусаў, якія хочуць атрымаць гэты дакумент, так і тых, каму неабходна падоўжыць тэрмін яго дзеяння. У польскім урадзе тлумачаць гэта арганізацыйнымі прычынамі.

Падобнае абмежаванне ў мінскай амбасадзе ўжо ўводзілі ў жніўні гэтага года — тады заявы на Карту паляка таксама часова не прымалі.

У той жа час пра спыненне прыёму заяў, звязаных з Картай паляка, у генеральных консульствах Польшчы ў Гродне і Брэсце пакуль не паведамлялася.

Чытайце таксама:

Беларус паўтара года чакаў ПМЖ у Польшчы, а потым атрымаў ліст, што яго карту паляка анулявалі яшчэ чатыры гады таму

У Польшчы чакаюць росту заяў беларусаў на карту доўгатэрміновага рэзідэнта ЕС у 5‑7 разоў

Пасольства Польшчы ў Мінску змяняе правілы прыёму дакументаў на карту паляка

Каментары да артыкула