Беларусь прапанавала Расіі дапамагчы тушыць лясныя пажары
Прэм'ер-міністр Беларусі Сяргей Сідорскі прапанаваў кіраўніку расійскага ўраду Ўладзіміру Пуціну дапамогу ў тушэнні лясных пажараў на тэрыторыі Расіі. Тэлефонная гутарка прэм'ераў адбыўся падчас паездкі Пуціна ў Варонежскую вобласць Расіі, інфармуе РІА "Новости".
Акрамя тушэння пажараў Сідорскі прапанаваў дапамогу ў аднаўленні згарэлага жытла. Пуцін падзякаваў за прапанову.
Гутарка адбылася з ініцыятывы беларускага боку. Ці абмяркоўвалі прэм'ер-міністры іншыя пытанні, не паведамляецца.