Усе дамы Мінска падключаць да ацяплення да 11 кастрычніка
Працэс падключэння цяпла ў жылым сектары Мінска завершыцца 11 кастрычніка, паведаміў начальнік аддзела энергетыкі Мінгарвыканкама Анатоль Лаўнічук.
«Ацяпленне ў дамах сталіцы пачалі ўключаць 7 кастрычніка. Паводле звестак на вечар 7 кастрычніка, да цяпла падлучаныя каля 23% дамоў.
11 кастрычніка гэты працэс будзе завершаны ў поўным аб’ёме», — сказаў Анатоль Лаўнічук.
Паводле яго слоў, усе ідзе ў штатным рэжыме, ніякіх няштатных сітуацый няма.