Сяргей Мартынаў і Юзаф Томка абмеркавалі візыт Бенедыкта XVI
У першы дзень візыту легата папы рымскага кардынала Юзафа Томка ў Беларусь адбылася ягоная сустрэча зь міністрам замежных спраў Сяргеем Мартынавым.
Сярод іншага яны абмяркоўвалі пагадненьне аб супрацоўніцтве паміж Беларусьсю і Ватыканам, а таксама магчымасьць візыту папы Бэнэдыкта XVI у Беларусь.
Пры гэтым было адзначана, што пантыфік атрымаў запрашэньне як ад кіраўніка краіны, так і ад беларускіх біскупаў.
Юзафа Томка таксама прыняў і Аляксандар Лукашэнка, якому папскі легат перадаў прывітаньне ад сьвятога айца Бэнэдыкта XVI.
Кардынал Юзаф Томка наведаў таксама менскі праваслаўны Сьвятадухаў катэдральны сабор і абышоў каталіцкія сьвятыні Менску.