Персідскі леапард з Украіны пасяліўся ў Гродзенскім заапарку
Леапарда прывезлі 13 кастрычніка з украінскага горада Роўна ў пару
У заапарку спадзяюцца на з’яўленне ў будучым у пары сумеснага патомства, аднак ці прыме сябра самка, якая прывыкла да адзіноты, пакуль невядома.
Як адзначылі ў дырэкцыі, у заапарку яшчэ шмат жывёл, якім патрэбны «сябры» для камплектацыі пар. У бліжэйшы час у Гродне чакаюць прыбыцця львяняці з Калінінграда. У перспектыве ён складзе пару львіцы Саяне.
Адміністрацыя заасада штогод стараецца пашыраць разнастайнасць жывёл. У гэтым годзе таксама былі набыты пума, далёкаўсходнія кошкі. Усяго ў старэйшым заапарку Беларусі больш як 3,4 тыс. жывёл 312 відаў.
З 2002 года ў заапарку вядзецца рэканструкцыя, у ходзе якой яго тэрыторыя павялічылася да 3,4 га. Завяршыць работы плануецца ў 2011 годзе.