Протадыякан Кураеў параіў семінарыстам «адмісіянерыць» няверуючых дзяўчат
У блогасферы актыўна абмяркоўваюць словы протадыявана Андрэя Кураева, сказаныя на сустрэчы з семінарыстамі.
Кураеў параіў будучым святарам не жаніцца на студэнтках Рэгенцкага аддзялення, таму што такая жонка «потым усю лысіну праесць», бо звычайна гэтыя дзяўчаты самі з сем’яў святароў і будуць усё рабіць з аглядкай на бацькоў.
«Я вам дам такую місіянерскую параду. Ідзіце ў горад, на дыскатэку, знайдзіце там няверуючую дзяўчыну, адмісіянерце яе, катэхізніце па самае не магу», — сказаў Кураеў.
Пазней протадыякан выказаў скрайняе абурэнне тым, што словы, сказаныя на закрытай сустрэчы, былі распаўсюджаныя па інтэрнэце.