У Кітаі пабудуюць «Дыснэйлэнд» за $3,75 мільярда
Парк адкрыецца ў 2014 годзе.
Амерыканская медыякампанія Walt Disney падпісала з уладамі Шанхая дамову пра будаўніцтва парку забаў «Дыснэйлэнд». Кошт праекта ацэньваецца ў 25 мільярдаў юаняў ($3,75 мільярда). Мяркуецца, што на тэрыторыі тэматычнага парку плошчай каля 4 квадратных кіламетраў апроч атракцыёнаў, будзе пабудаваны гатэль і шэраг крамаў.
Спецыяльна для будаўніцтва ў КНР была створана кампанія Shanghai Shend Group, якая будзе адказваць за будаўніцтва з кітайскага боку.
Мяркуецца, што парк пачне прымаць наведвальнікаў у 2014 годзе.Па ацэнках Walt Disney, штогод парк будуць наведваць дзясяткі мільёнаў чалавек.