ФРГ рыхтуецца адмяніць ўсеагульны воінскі абавязак
У Германіі ў панядзелак да воінскай службы прыступае апошні прызыў. Гэтыя прызыўнікі будуць служыць паўгода замест дзевяці месяцаў, як было да апошняга часу.
З 2011 года нямецкая армія, якая больш за паўстагоддзя камплектавалася з прызыўнікоў, цалкам пераходзіць на прафесійную аснову.
Гэта самая буйная ваенная рэформа ў краіне з часоў Другой сусветнай вайны.