1 лютага на 12,5% павышаецца тарыф на транзіт нафты па беларускай тэрыторыі
паведамляе Міністэрства эканомікі.
«На падставе Методыкі (механізма) змены тарыфаў на паслугі па транспарціроўцы (транзіце) нафты па магістральных нафтаправодах, размешчаных на тэрыторыі Рэспублікі Беларусь, зацверджанай беларускай і расійскай бакамі», 29 снежня міністэрства прыняло адпаведную пастанову № 192 («Аб тарыфах на паслугі па транзітнай транспарціроўцы нафты па сістэме магістральных трубаправодаў па тэрыторыі Рэспублікі Беларусь»).
Акрамя таго, «у сувязі са зменамі эканамічных умоў пастаўкі нафты з Расійскай Федэрацыі і яе транспарціроўкі па магістральных нафтаправодах, размешчаных на тэрыторыі Рэспублікі Беларусь», 30 снежня Мінэканомікі прыняло пастанову № 194 «Аб тарыфах на паслугі па транспарціроўцы нафты па сістэме магістральных трубаправодаў рэспубліканскага ўнітарнага прадпрыемства „Гомельтранснафта Дружба“ і Наваполацкага рэспубліканскага ўнітарнага прадпрыемства па транспарце нафты „Дружба“ на тэрыторыі Рэспублікі Беларусь», якая прадугледжвае павелічэнне з 1 лютага тарыфаў на транспарціроўку нафты на 12,5% «у адносінах да ўзроўню 2010 года».
Раней паведамлялася аб павышэнні на 2,5% тарыфу на транзіт нафтапрадуктаў па тэрыторыі Беларусі з Расіі. З 1 студзеня ён складае 1,64 долара за тону, перамешчаную на 100 км.