Дзе мае грошы?

з пошты Рэдакцыі

Пасля войска я адпрацаваў 28,5 гадоў на заводзе «Авіятар» у г. Віцебску і ў 1995 г. зволіўся з-за таго, што заробка не хапала на ежу.

Жонка таксама адпрацавала на заводзе «Авіятар» 37 гадоў. На пачатку працы жонка прапанавала пералічваць праз ашчадную касу на ашчадную кніжку 20–30 рублёў.

Усяго сабралі 4000 рублёў — аўто «Масквіч» альбо 5 кароў. У 1990 сын дэмабілізаваўся з войска, думалі, аддамо яму грошы на жытло, а тут абвал.

Чую, на прэс-канферэнцыі задаюць пытанне Лукашэнку: «Аляксандр Грыгоравіч, як будзеце васпалняць уклады. — Тэлевізары дам, халадзільнікі». Мы з жонкай узрадаваліся, халадзільнік з 1975 года паржавеў, тэлевізар стары барахліў.

І што ж? Калі дазволілі пенсіянерам атрымліваць кампенсацыі за ўклады, нам выдалі суму на ватовую коўдру, якую мы і набылі.

Каментары да артыкула