«Рок-каранацыя-2010»: вынікі падводзяць слухачы
Сёння пачынаецца галасаванне за лепшыя гурт і альбом, якія адзначаліся на «Рок-каранацыі».
Сёння пачынаецца галасаванне за лепшыя гурт і альбом.
Слухачам прапанавана самім вызначыць лепшыя каманды і кружэлкі айчыннай рок-музыкі. Кола прэтэндэнтаў, праўда, абмежавана пераможцамі папярэдніх «Рок-каранацый». Галасаванне праходзіць на сайце «Тузін Гітоў». Вынікі будуць агучаны 18 лютага на гала-канцэрце.
За 15 гадоў існавання прэміі галоўную рок-карону атрымлівалі дзесяць гуртоў (некаторыя двойчы) і чатырнаццаць альбомаў станавіліся лепшымі.
«Рок-каранацыя-2010» пройдзе 18 лютага ў к/з «Мінск». Свой удзел у ёй пацвердзілі гурты «Крама», «Нейра Дзюбель», N.R.M., «Без білета», Drum Ecstasy, «Палац», Kriwi.