Еўрадэпутаты адклалі візіт у Мінск
Дэлегацыя Еўрапейскага парламента, якая збіралася прыляцець у Мінск 31 студзеня, адкладае амаль на месяц свой візіт. Пра гэта паведаміў кіраўнік дэлегацыі ЕП па сувязях з Беларуссю польскі дэпутат Яцэк Пратасевіч. Прычына пераносу візіту — небясьпека перашкод з боку беларускіх уладаў.
«Не праблема прыляцець у Мінск. Аднак прызямліцца ў Мінску, а потым не перасекчы мяжу — гэта не рашэнне» — сказаў Яцэк Пратасевіч.
Мэта еўрапейскай дэлегацыі — азнаёміцца з умовамі ўтрымання арыштаваных пасля падзеяў 19 снежня і сустрэчы з сем’ямі арыштаваных, юрыстамі і праваабаронцамі.