ПСЖ папрасіў УЕФА перанесці першы матч 1/16 фіналу Лігі Еўропы з БАТЭ
Прычына — моцныя маразы.
Кіраўніцтва ПСЖ папрасіла УЕФА перанесці першы матч 1/16 фіналу Лігі Еўропы, запланаваны на гэты чацвер (20.00). Гэтую просьбу парыжан выклікала нізкая тэмпература,
якая будзе панаваць у Беларусі на наступным тыдні, паведамляе L'equipe.fr.
«Мы гатовыя гуляць апоўдні або а 14 гадзіне дня ў выпадку неабходнасці,
- адзначыў галоўны трэнер ПСЖ Антуан Камбуарэ. - Я спадзяюся, у УЕФА знойдуцца адказныя работнікі, якія прымуць правільнае рашэнне ў гэтай сітуацыі».