Падчас маніфестацыі ў Іране загінулі два чалавекі
Два чалавекі загінулі падчас арганізаванай апазіцыяй маніфестацыі ў Іране.Паводле звестак міністра ўнутраных справаў Ірана Мустафы Махамада Наджара, два апазіцыянеры былі забітыя, некаторыя (колькасць не паведамляецца) параненыя.
У панядзелак тысяча іранскіх апазіцыянераў выйшла на вуліцы на знак падтрымкі пратэстаў у Егіпце і Тунісе.
Па дадзеных Нацыянальнай рады супраціву Ірана, створанай у Францыі, «усім вядома, што ўлады напалі на пратэстоўцаў і расстралялі іх».
Па дадзеных сайта апазіцыі, падчас акцыяў пратэсту былі арыштаваныя прынамсі 1500 чалавек.