На «Залаты апостраф-2010» прэтэндуюць Барадулін, Вячорка, Клінаў
Пачалося галасаванне за лепшыя леташнія публікацыі ў часопісе «Дзеяслоў».
Пачалося галасаванне за лепшыя леташнія публікацыі ў часопісе «Дзеяслоў».
Пераможцы атрымаюць прэмію «Залаты апостраф».
20 аўтараў — у паэзіі, 16 — у прозе, 9 дэбютантаў. У апошняй намінацыі прадстаўлена і апавяданне Франака Вячоркі «Ліза». Цяпер чытачы могуць прагаласаваць за лепшыя творы на іх думку. З лідараў галасаванкі рэдакцыя часопіса сама вызначаць пераможцаў.
Летась была ўведзена новая намінацыя — «за высокія творчыя дасягненні». Яна застаецца і сёлета.
Пра дату і месца правядзення ўзнагароджвання будзе паведамлена пазней.
Штогадовая прэмія «Залаты апостраф» заснавана рэдакцыяй часопіса «Дзеяслоў» у 2003 годзе. Яе лаўрэатамі станавіліся Вольга Іпатава, Васіль Быкаў, Кастусь Тарасаў, Ганна Аўчыннікава, Глеб Лабадзенка, Андрэй Хадановіч, Віктар Слінко, Леанід Дранько-Майсюк, Валянціна Аксак, Віталь Рыжкоў, Рыгор Сітніца, Людміла Рублеўская, Усевалад Сцебурака, Алесь Пісьмянкоў, Алесь Бадак, Лізавета-Дамініка Панамарова, Ірына Бельская, Сяржук Сыс, Уладзімір Някляеў, Віталь Быль, Міхась Андрасюк, Валярына Кустава, Віктар Казько.