Польскае МЗС узнагародзіла Анжаліку Борыс
Кіраўнік МЗС Польшчы Радаслаў Сікорскі ўзнагародзіўэкс-кіраўніка Саюза палякаў Беларусі Анжаліку Борыс дыпломам за заслугі па папулярызацыі Польшчы ў свеце.
У абгрунтаванні такога рашэння адзначана, што Борыс ужо доўгія гады прапагандуе польскую культуру, гісторыю і традыцыі. Дыплом Анжаліка атрымала асабіста з рук намесніка міністра замежных справаў Яна Баркоўскага.
Рашэнне аб узнагароджанні Борыс было прынята ў 2010 годзе, аднак у той час яна не магла яго атрымаць, паведамляе РАР.
Нагадаем, днямі ў польскія СМІ невядомыя разаслалі фальшывую карэспандэнцыю польскага МЗС. У ёй сцвярджалася, нібыта Польшча больш не падтрымлівае незалежны Саюз палякаў у Беларусі.