Гандбол. Швейцарыя – Беларусь – 31:34
Мужчынская гандбольная зборная выйграла ў матчы 3-га тура адборачнага турніра чэмпіянату Еўропы ў зборнай Швейцарыі з лікам 34:31 (першы тайм – 16:16).
Сёння ж зборная Расіі выйграла ў Даніі 31:27.
Турнірнае становішча пасля 3-х тураў: Расія – 6, Данія – 4, Беларусь – 2, Швейцарыя – 0.
У нядзелю зборная Беларусі ў Мінску згуляе са Швейцарыяй. Матч пройдзе ў сталічным Палацы спорту (пачатак а 15-й).
У фінальную стадыю чэмпіянату Еўропы выходзяць дзве каманды з групы. У першых двух турах беларусы прайгралі Даніі і Расіі.