Польскі дыпламат: Хлусня, што Міхалевіч выехаў на польскім дыпламатычным транспарце
Першы сакратар пасольства Польшчы ў Беларусі Павел Марчук абверг такую інфармацыю.
Нагадаем, што ўначы 14 сакавіка палітык напісаў у сваім блогу, што знаходзіцца «ў надзейным месцы, не ў зоне дасяжнасці беларускага КДБ». Верагодна, Алесь Міхалевіч знаходзіцца за межамі Беларусі.
Уранку ў панядзелак з'явілася інфармацыя, што Міхалевіч перасёк мяжу на дыпламатычным аўтамабілі аднаго з пасольстваў і цяпер знаходзіцца ў Польшчы. Быццам бы пра гэта паведамілі gazeta.ru людзі з атачэння апазіцыянера.