Human Rights Watch заклікае ААН асудзіць Беларусь

Human Rights Watch разам з 130-цю іншымі праваабарончымі арганізацыямі і актывістамі заклікае Раду ААН па правах чалавека ўхваліць рэзалюцыю, якая асуджае парушэнні правоў чалавека ў Беларусі пасля прэзідэнцкіх выбараў.

«Урад стварыў крызіс правоў чалавека ў Беларусі. Рада па правах чалавека ААН не павінна пакідаць гэта па-за ўвагай. Рэзалюцыя Рады павінна накіраваць уладам Беларусі жорсткі сігнал пра тое, што рэпрэсіі трэба спыніць», — заявіла дырэктарка аддзялення Human Rights Watch у Расіі Ганна Севарцян.

Заклік праваабаронцаў прымеркаваны да чарговай сесіі Рады ААН па правах чалавека, якая пачынае працу 14 сакавіка.

Каментары да артыкула