Масква загадала. Нацбанк спешна дазволіў авансавыя плацяжы па імпарце з краін Мытнага саюза
Нацыянальны банк з 16 сакавіка дазволіў беларускім імпарцёрам свабоднае правядзенне авансавых плацяжоў па знешнегандлёвых дамовах на карысць прадпрыемстваў Расіі і Казахстана.
«У мэтах безумоўнага выканання існуючых міжнародных абавязацельстваў у рамках Дагавора аб Мытным саюзе і Адзінай эканамічнай прасторы», — так абгрунтоўваецца гэтае рашэнне ў паведамленні Нацбанка.
Забарона на авансаванне імпарту мае на мэце знізіць яго. Улады Беларусі пайшлі на адміністратыўныя меры па зніжэнні імпарту пасля таго, як дэфіцыт бягучага рахунку дасягнуў пагрозлівых памераў.