Кадафі: Лівія будзе супраціўляцца «каланіяльнай агрэсіі»
Выступаючы па дзяржаўным тэлебачанні, лівійскі лідар палкоўнік Кадафі сказаў, што тэрыторыі Паўночнай Афрыкі і Міжземнамор’я ператварыліся ў зону вядзення ваенных дзеянняў.
Кадафі заявіў, што лівійскі народ будзе супраціўляцца такой «каланіяльнай агрэсіі».
Па словах лівійскіх афіцыйных асоб, у выніку авіяўдараў сіл міжнароднай ваеннай кааліцыі загінулі каля 50 мірных жыхароў. Праверыць гэтую інфармацыю з незалежных крыніц не ўдалося.