ЗША плануюць новыя ўдары па Лівіі
ЗША плануюць новыя ўдары па Лівіі ў рамках ваеннай аперацыі кааліцыі пасля прыняцця рэзалюцыі Рады бяспекі ААН.
«Гэта доўгая аперацыя. Мы плануем новыя ўдары», — сказала Reuters высокапастаўленая крыніца ў ваенных колах ЗША.
Зараз аперацыя супраць рэжыму Кадафі ажыццяўляецца сіламі ЗША, Вялікабрытаніі, Францыі, Італіі і Канады. У найбліжэйшы час да іх павінен далучыцца Катар.
Па паведамленнях лівійскага дзяржтэлебачання, у выніку авіяўдараў сіл кааліцыі загінулі больш за 60 мірных жыхароў.