Доступ на плошчу Якуба Коласа пакуль вольны, але яе рыхтуюцца перакрываць
На прылеглых да плошчы вуліцах стаяць грузавікі з металічнымі турнікетамі.
На прылеглых да плошчы вуліцах стаяць грузавікі з металічнымі турнікетамі.
Па стане на 16.20 доступ на плошчу Якуба Коласа, дзе сёння ўвечары збіраюцца адзначаць Дзень волі сябры незарэгістраванага «Маладога фронту», пакуль вольны. Але плошчу відавочна рыхтуюцца заблакаваць: на прылеглых да яе вуліцах стаяць грузавікі з металічнымі турнікетамі. У дварах поўна аўтобусаў і аўтазакаў з міліцыяй. У аўтобусах шчыльна завешаныя вокны. Спецтэхніка стаіць, у прыватнасці, на вуліцы Чырвоназорнай (бліжэй да праспекта Незалежнасці), у двары за крамай «Еўраопт», за будынкам Філармоніі. На вуліцах у вялікай колькасці сустракаюцца маладыя людзі характэрнага выгляду.