Афіцыйная дэвальвацыя перавысіла 6%
Валютны кошык пабіў чарговы рэкорд.
Паводле вынікаў таргоў на Беларускай валютна-фондавай біржы выраслі курсы еўра і расійскага рубля. Еўрапейская валюта падаражала на 20 рублёў і цяпер афіцыйна каштуе 4293,61 рубля. У абменніках курс продажу зноў пераваліць за адзнаку ў 4400 рублёў.
Курс даляра не змяніўся.
Праз рост курсаў дзвюх валют вырас і кошт валютнага кошыка. Ад пачатку года ён падаражаў ужо на 6,02%. Гэта гістарычны максімум.Нацбанк усё бліжэй падбіраецца да мяжы дазволенага 8%-ага дэвальвацыйнага калідора.