НІСЭПД: 60% думаюць, што вынікі выбараў былі сфальсіфікаваныя
Незалежны інстытут сацыяльна-эканамічных і палітычных даследаванняў апублікаваў дадзеныя нацыянальнага апытання, праведзенага ў сакавіку.
Незалежны інстытут сацыяльна-эканамічных і палітычных даследаванняў апублікаваў дадзеныя нацыянальнага апытання, праведзенага ў сакавіку.
Як высветлілася, толькі 39,8% рэспандэнтаў лічаць, што на нядаўніх прэзідэнцкіх выбарах Аляксандар Лукашэнка набраў столькі галасоў, колькі абвясціла Цэнтральная выбарчая камісія. У сваю чаргу, 24,1% беларусаў упэўнены, што цяперашні кіраўнік дзяржавы не набраў паловы галасоў тых, хто прыйшоў на выбары. Яшчэ 35.4% мяркуюць, што за Лукашэнку прагаласавала большасць, але ўсё ж ён набраў менш галасоў, чым яму налічыў ЦВК.
Такім чынам, калі падсумаваць дзве апошнія катэгорыі, высвятляецца: каля 60% беларусаў думаюць, што ўлада ў той ці іншай ступені сфальсіфікавала вынікі выбараў. Гэта адзін з самых цікавых вынікаў сакавіцкага сацапытання НІСЭПД.