Афіцыйная інфляцыя за 3 месяцы склала ўсяго 6,1%
У Беларусі інфляцыя ў сакавіку склала 1,9% пасля 2,7% у лютым і 1,4% у студзені 2011 года, паведаміў Нацыянальны статыстычны камітэт (Белстат).
Такім чынам, калі верыць афіцыйнай статыстыцы, за I квартал 2011 года спажывецкія цэны выраслі ўсяго на 6,1%. У гэта цяжка паверыць, бо за гэты перыяд часу і бензін, і паслугі ЖКГ, і прадукты, і тэхніка, эмпірычна ацэньваючы, падаражэлі нашмат больш.