Сям'я просіць журналістаў не прыязджаць на пахаванне Вольгі Дашкевіч
Абноўлена.
Такое жаданне мужа спн. Дашкевіч, Вячаслава.
Спачуванні і словы падтрымкі Вячаславу Дашкевічу можна накіраваць на адрас: 222932, вул. 8 Сакавіка, д. 37, кв. 6, г. Старыя Дарогі, Мінская вобласць.
Сваякі Змітра Дашкевіча просяць дазволіць яму прыехаць з турмы на пахаванне маці.
Сэрца Вольгі Дашкевіч спынілася ўночы на 26 красавіка. Ёй было ўсяго 54 гады, яна не хварэла. Вось толькі сэрца за Змітра...
***
Бацькі Змітра Дашкевіча пражылі разам 32 гады. Гэтую дату яны адзначылі два тыдні таму. Абодва працавалі журналістамі. Сям’я шмат вандравала. Зміцер нарадзіўся на Гомельшчыне, потым Дашкевічы пераехалі на Далёкі Ўсход у Магаданскую вобласць. А праз пяць год вярнуліся ў Беларусь, пасяліліся ў Старых Дарогах (Мінская вобласць). У Дашкевічаў сціплая двухпакаёўка.
Апошнія месяцы Вольга Дашкевіч моцна перажывала за сына, кепска сябе адчувала, з-за чаго не змагла прыехаць на суд.