Дзяржаўным СМІ забаранілі пісаць пра цэны і курс даляра?
У найбліжэйшы час беларускія дзяржаўныя СМІ перастануць акцэнтаваць увагу на курсах валют і росце цэн у краіне.
Такую рэкамендацыю атрымалі сёння намеснікі галоўных рэдактараў дзяржаўных газет на нарадзе ў Адміністрацыі прэзідэнта. «Гэтыя тэмы варта пакуль што адкласці», — даведаліся яны. Інфармацыя была атрыманая карэспандэнтам «Нашай Нівай» ад аднаго з удзельнікаў нарады на ўмовах канфідэнцыйнасці.
Галоўныя ж рэдактары сёння знаходзяцца на спецыяльным ідэалагічным семінары ў Гродна.