Хакей. Зборныя Латвіі, Аўстрыі і Славеніі — супернікі Беларусі па турніры за выжыванне
Сёння вызначыліся ўсе супернікі зборнай Беларусі ў турніры за выжыванне на чэмпіянаце свету па хакеі ў Славакіі. Да зборнай Славеніі далучыліся каманды Латвіі і Аўстрыі, што занялі ў сваіх групах 4-я месцы.
Латвійцы сёння па булітах прайгралі Даніі 2:3, а аўстрыйцы пацярпелі буйную паразу ад Нарвегіі -- 0:5.
Нагадаем, што зборная Беларусі заняла ў сваёй групе 4-е месца, прайграўшы ўсе тры гульні.
Расклад гульняў зборнай Беларусі ў турніры на выжыванне.
5 мая (чацвер): Беларусь -- Аўстрыя (пачатак у 17:15),
7 мая (субота): Беларусь -- Латвія (13:15)
8 мая (нядзеля): Беларусь -- Славенія (21:15).
Каб застацца ў эліце сусветнага хакея, беларусам трэба заняць 13 ці 14-е месцы (фінішаваць першымі ці другімі ў групе).